Galit ako ngunit Mahal kita
Simula ng dumating ka sa mundo ko
Ikaw na ang bida sa lahat ng tao
Ang lagi kong tanong sa sarili ko
Ano bang meron ka na wala ako?
Nakahihigit ka nga sa lahat
Maganda at matalino
Samantalang masunurin lang ako
Pinapaburan ka sa lahat ng bagay
Mas dama kong mahal ka nila
“Ok lang naman iyon, alam ko na”
Ngunit hindi na nila kailangan ipamukha pa
Ang mundo ko ay parang naging laro
Tinuring kitang kaaway ko
Ano ba naman ang mapapala ko
Wala naman tayong makukuhang premyo?
Ngunit kahit anong sabihin nila
Hinding-hindi ko iyon magagawa
Dahil kapatid, mahal kita
No comments:
Post a Comment